السلام عليكم .
أهلن جميعا , ايش الأخبار , وكيف الأوضاع مع الحر الجميل :P
سؤال : أحد عنده علاج للعجز ؟
سؤال صدقي , يعني ودي ما اصير عجازه ابد
ودي اذا بغيت شي على طول اسويه بدون ما افكر ._.
لو يجي في خاطري أتفه شي , اتعييييييييييجز , احس انه مشوار مره :P
مثلا مثلا , البلوق , ودي اعد كم مره بالاسبوع اقول , بحرك البلوق حقي وببدا اكتب فيه , واسسسسحب لنفس السبب
مثلا مثلا في اخر الليل وقت الغلط يعني , اصير عطشانه , للمعلوميه ثلاجتي بالغرفه فاضيه ليه ما ادري , فأتعيجز انزل تحت اروح اشرب مويه وأسسسسسحب لنفس السبب المذكور أعلاه :P
مثلا مثلا ما تعشيت ذاك اليوم , وسهرتي الفجريه كالعاده , فجأه يذبحني الجوع , يارب اني أروح ادور لي شي اكله , اضطر اوقف السهره واروح انوم , عشان انسا اني جوعانه , كل هذا عجز يارب ؟
لا تسألوني ذاك اليوم ليه ما تعشيت , اكيد كنت عجزانه اسويلي ساندوتش جبنه :P
مثلا مثلا بالجامعه , حرانه ابغى كوك , يوه مشوااااار امشي لما هناك عشان اشتري كوك , حطوا في بالكم جامعتي صغيره ههههه يعني خطوتين واصله اللي ابي :P
وحتى التصوير , لما يكون عندي فكره , اتعيجز اكتبها عشان بعدين , واتعيجز اسويها الحين :|
انا قلت لكم اتفه شي , يووه عاد الاشياء اللي مو تافهه , مدري وش تحسين فيه يا أنا :(
العجز مرض مستعصي بشكل , مرض ماله علاج الله يشفينا ويشفيكم :P
ومدري ليه أحس ثلاث أرباعنا عجازين , اللي عنده حاله عجز تقولها لي يمكن تهون علي مصيبتي :$
على فكره ترى كنت بكتب عن شي بعدين فجأه ميل التفكير وتحمست أفضح في عمري :P
سلام جميعا (F)~
